Seguimos a traballar na casa: clase de 4 anos

Pouco a pouco van pasando os días e con eles achégase o momento de estar xuntos de novo. Pero mentres iso ocorre, os leonciños de catro anos seguen a traballar na casa coas propostas que cada luns colgamos na páxina web do cole.

Angelina e Simón estiveron a practicar a escritura cos nomes dos animáis, e mirade qué ben o fan!

Tamén recortaron e repasaron as partes do corpo. Moi ben feito rapaces! Cada día o facedes mellor!

Angelina e Simón traballando o esquema corporal

Nesta semana proveitaron para tomar un pouco o sol e xogar a debuxar a sombra dun fantástico boneco articulable feito na casa con papel de aluminio. Pasárono en grande cambiando as posturas do seu boneco, experimentando coa luz e debuxando. Xenial rapaces! Sodes uns artistas!

Debuxando sombras dun boneco de papel aluminio

Hoxe tocou practicar o trazo, e aproveitando que comezou maio que é o mes das flores, qué mellor que practicar facendo unha fermosa flor cos pétalos diferentes!

Practicando grafismo nos pétalos dunha flor

Soufian tamén estivo traballando moito, e facendo moitas cousas divertidas en familia, como cociñar ou plantar lentellas e garabanzos. Bravo! Así da gusto Soufian! Ademáis de mellorar cada día, es un gran cociñeiro! Ten todo unha pinta estupenda! E ese gran sorriso ilumina toda a cociña.

Soufian traballando e gozando na casa

Estes días os nosos leonciños andiveron tamén arranxando as trastadas do monstro comeletras que temos en clase, que sempre nos quita letras das palabras e zámpaas! Pero nunca gaña porque este alumnado sempre consegue devolvelas ao sitio. Fenomenal!

Investigando qué letras robou o monstro comeletras

Nesta semana tocou xogar un pouco coas formas. Entre outras cousas, os nosos cativos fixeron unha flor con círculos e óvalos, formaron figuras co Tangram caseiro que fabricaron e practicaron a grafomotricidade facendo puntillismo en papel de cociña. Todos uns campións! Aquí vos deixo unha mostra do ben que traballan!

A pasada semana estivemos a traballar conceptos sobre a primavera dunha forma globalizada. Empregámola como fío condutor para facer numerosas actividades, entre elas grafomotricidade, e simetrías de elementos desta estación. E o noso alumnado segue a traballar na casa con entusiasmo e facéndoo cada vez mellor! Parabéns a todos, nenos e familias polo voso traballo! Nótase o agarimo que lle poñedes no excelente resultado.

Co ben que traballa este alumnado da gusto! Seguide así campións! Espero que nos poidamos ver moi moi pronto! Moitos bicos