A Idade Media na aula de 5 anos

.

Neste segundo trimestre estivemos a traballar a Idade Media.  

Primeiro pintamos a nosa porta e máis a entrada á clase e fixemos o noso castelo.

Tamén traballamos moito facendo vidrieiras. A profe Elena deixounos unha mesa de luz e oa rapaces e rapazas pasáronno moi ben.

Tamén fixemos os nosos helmos para ser cabaleiros e cabaleiras.

Os faraóns de Exipto

Pasou o Entroido, pero na clase de catro anos quedamos con ganas de gozar máis del. Por iso aproveitamos os dous días da volta da ponte para xuntalo co noso proxecto da clase, e pasar un bo rato.

Despois de traballar descubrindo as marabillas de Exipto e da súa cultura antiga, por fin chegou o momento de unir as creacións artísticas que con tanto agarimo fomos facendo na clase (brazaletes, colares, e coroas) para amosar as nosas mellores galas como verdadeiras réplicas dos faraóns exipcios.

Disfrazámonos e pasamos un bo rato bailando como os antigos exipcios.

Mirade que ledos estaban estes pequenos faraóns e faraonas gozando dunha viaxe polo Nilo que eles mesmos crearon.

Tan só quedounos pendente colgar ao cinto un dos amuletos máis populares desta época da historia: o ankh, que tiñamos na nosa exposición e que quedaran así de ben...

Xa vedes que estes pequenos son uns artistas e non hai reto que non superen con creces.
Estade atentos que comezamos novo proxecto e xa vos iremos contando!

Celebramos o Entroido

Este ano o tema asignado ao Entroido do cole: "Lendas galegas" unía a cultura galega e a fantasía.
Entre as diferentes lendas e personaxes existentes na nosa tradición, aos tres cursos de Educación Infantil tocounos traballar as fadas dos elementos da natureza (Terra, Auga, e Vento ): seres que protexen e procuran o benestar da natureza. Estos seres máxicos, resultan invisibles para os nosos ollos, teñen aparencia humana. Mimetízanse coa natureza e a protexen de calquer acto de violencia.
Con este fío motivador e condutor, cada grupo elaborou uns disfraces relacionados coa temática. Así os leonciños da clase de tres anos foron disfrazados dos guardiáns do vento, os de catro de guardiáns da terra e os bosques, e os de cinco anos de guardiáns da auga.
Todos estaban encantados cos seus disfraces, e moi metidos no papel de "fadas e guardians protectores da natureza" .

Aquí vos deixamos algunhas fotos dos instantes previos ao desfile e do mesmo. 

 Os leonciños da clase de tres anos disfrazados de guardiáns do vento

Asamblea dos guardians da terra e dos bosques da clase de catro anos.

Alumnado de educación infantil durante o desfile de Entroido

Aproveitamos a ocasión para dar as máis cálidas grazas a todas aquelas familias que puideron acompañarnos, e coas que celebramos o desfile de entroido, a Mónica e ao alumnado da ESO pola súa inestimable axuda e compaña durante o percorrido polas rúas do barrio.

Un paseo polo antiguo Exipto

Dentro do proxecto de historia que estamos a desenvolver, na clase de 4 anos continuamos a traballar sobre o antigo Exipto e as súas marabillas.

Aprendemos cal é o río que atravesa este país, o río Nilo, un dous máis longos do mundo, e a través de contos falamos do seu importante papel na agricultura do antigo Exipto.

Traballamos a motricidade fina representando en equipo o río e os seus habitantes. Mesmo no xogo que fixemos coa nosa maqueta, xurdiron pontes no río para poder cruzar, porque aprendemos que no Nilo había crocodilos e hipopótamos.

Precisamente como son os animais un dos elementos que máis lle gusta ao noso alumnado, traballamos as nosas habilidades plásticas facendo uns divertidos crocodilos que puxemos a nadar no noso río Nilo da clase. Quedaron xenial!

Neste proxecto uns dos protagonistas son os faraóns, por iso o noso alumnado optou por decorar a porta da clase con estes personaxes do antigo Exipto, iso si, en termos de igualdade, representando tamén as raíñas. Mirade que ben pintan xa con pincel!

Estamos encantados co moito que estamos descubrindo sobre o antigo Exipto. Estade atentos porque comezamos a elaborar os nosos propios complementos de vestir, e nestas datas de Entroido vos daremos unha sopresa!