Celebramos o Día escolar da non violencia e da paz

O 30 de xaneiro celébrase o Día escolar da non violencia e da paz, unha data sinalada que aproveitamos para traballar de xeito transversal os valores universais o dos dereitos humanos, centrados na paz e aqueles que favorecen a convivencia, a amizade e o rexeitamento de calquera forma de violencia.

Por iso estes días nas clases de Educación Infantil estivemos falando nas asembleas destes temas, que traballamos tamén con diferentes contos coa paz e a amizade como fíos condutores, e cunha canción para celebrar tan sinalada data.

Durante toda a semana pasada estivemos a preparar os materiais que tiñamos asignados pola organización: un mural e diversos medallóns cos símbolos da paz. Os nenos de tres anos fixeron uns bonitos corazóns, os de catro colgantes da pomba da paz e os de cinco das súas mans.

Aquí tedes ao noso alumnado traballando no mural.

O grupo de catro ano elaborou os medallóns das pombas da paz, e non quiso deixar de pasar a oportunidade de facer que voasen polo planeta para pedir a paz en todo o mundo.

O traballo conxunto das tres clases de Educación Infantil foi este mural no que cada neno puxo o seu gran de area cun boneco colerado, que empregamos na celebración conxunta do Día da non violencia e a paz.

Onte toda a comunidade educativa do centro saíu ao patio a celebrar conxuntamente esta data, cunha cerimonia na que primeiro os nosos maiores da ESO nos agasallaron cunha fermosa canción en inglés, e despoís elaboramos entre todos unha "receita para a paz", na que cada curso achegaba un ingrediente esencial.

Aquí tedes o alumnado de tres, catro e cinco anos achegando as súa palabras para a receita: amor, amizade e bondade.

Mentres se enchía a pota da nosa receita, todos observamos ben atentos.

Despois todos xuntos cantamos a canción pola paz deste ano, e coa ledicia do momento, gozamos do bo día co froito do noso traballo.

Quedamos coa mensaxe de que entre todos podemos traballar para facer que todos os días do ano sexan o Día da paz.

Cumpres de xaneiro

Sara Dani foi a homenaxeada da clase de cinco anos

E Ana foi a homenaxeada na clase de tres.

XOGANDO COS CONCEPTOS MATEMÁTICOS

Na clase de catro anos seguimos a descubrir e a afondar nos conceptos matemáticos, empregando o xogo e a experimentación como ferramentas de aprendizaxe.

Estivemos a descubrir que os números pódense representar de diferentes formas: coa súa correspondente grafía (1, 2, 3...), cos dedos, con puntiños, con regretas de cores ... E puxémonos máns a obra para practicar todo o que estábamos a ver. Coa axuda do noso dado xigante, pasamos un bo rato tirándoo, contando, e asociando o número cos puntos e a súa representación cos dedos, como podedes comprobar nas seguintes imaxes.

Alumnado de catro anos traballando a representación numérica

Cos xogos de numeración continuamos a descubrir a secuencia numérica.

Traballando por parellas a orde dos números

Estes días tamén repasamos as formas xeométricas, e estivemos a gozar co noso material manipulativo. Mesmo chegamos a facer diagramas de Venn para clasificar as nosas formas en función da forma e a cor. Pasiño a pasiño imos avanzando na nosa competencia matemática, e mirade qué ben o pasamos.

Diagramas de Venn feitos cos xogos de clasificación de formas

Ademáis, dentro do proxecto sobre o antiguo Exipto que estamos a traballar na clase, descubrimos que os antiguos exipcios foron os inventores da balanza, así que para descubrir qué é, e como pesaban con ela, argallamos unha divertida balanza caseira feita cunha percha e unhas bolsas. Pasámolo xenial pesando por quendas diferentes obxectos da clase, para comprobar de qué lado se inclinaba a balanza, e descubrir así cal deles era o máis pesado. Cada alumno ou alumna tiña que facer a súa hipótese antes de poñer en funcionamento a balanza, para supoñer qué pensaban que pesaría máis, e comprobar se era certa ou non coa axuda da balanza.
Velaquí tedes ao noso alumnado durante a experimentación.

 Descubrimos o peso coa balanza

Foi unha experiencia fantástica e un bo xeito de tomar contacto co concepto de peso. Agora todos queren pesar canto temos na clase, encantoulles!

Estade atendos que vos seguiremos informando sobre os nosos progresos no campo matemático e do pensamento científico.

Cumpres de decembro

María da clase de cinco anos foi unha das homenaxeadas

E o outro homenaxeado foi Soufian da clase de cuatro anos.