Visita o Porto de Vigo

 

Visita ao Porto de Vigo – Último Día de Curso

O último día de curso fixemos unha visita moi especial ao Porto de Vigo, un dos máis importantes de Europa. Durante o percorrido, coñecemos de preto o funcionamento da Cámara dos Frescos, dos Conxelados e dos Vivos, onde aprendemos como se clasifican, conservan e transportan os produtos do mar.

Tamén nos explicaron como funciona a Lonxa, o lugar onde se poxa o peixe acabado de chegar. Foi unha experiencia moi interesante e educativa para pechar o curso dunha forma diferente e divertida.

                                                                    Momento da merenda

Visita a lonxa.

Últimos cumpreanos do curso

 Este xoves celebramos o resto de aniversarios dos nosos leonciños.

Foi unha xornada moi divertida.

Iman da clase de 3 anos.

Érika, Allegra, Hada e Kiara da clase 5 anos.

E a última comilona que fixemos deste curso. 

Mmmm! Que ricas están as lambetadas.

GRADUACIÓN INFANTIL 2025

Este martes 10 de xuño vivimos un día cheo de emocións, sorrisos e algún que outro lagrimón. Os nosos pequenos leonciños puxeron o broche final a unha etapa marabillosa: a súa aventura en infantil.

Foi un camiño cheo de aprendizaxes, xogos, amizades e moitos abrazos. Medraron en altura, pero sobre todo medraron en corazón, curiosidade e ilusión.

Agora prepáranse para dar un paso moi importante: en setembro comezarán a primaria. Están listos, valentes e cheos de ganas, e nós non podemos estar máis orgullosos de cada un deles.

Parabéns, leonciños! O voso rugido xa se escoita forte e claro.